Kidung tengah wengi..

Rinakit kidung tengah wengi,
Kairing kumebuling wedang kopi,
Kumeluning kukus menyan wangi,
Ganda arum ngebeki bumi.

Duh gusti....
Kang andum basuki,
Kang ngangkat sakehing bilahi,
Memala, durbala darubeksi.

Namung paduka sesembahan kita sami,
Papan panyuwunan kang kaesthi,
Papan sambat lan pamuji,
Puji donga kang nyawiji.

Paringana kekuatan,
Paringana keslametan,
Dohna seka godane setan,
tuntunen marang dalan kabeneran.