Kidung sejarah Desa Logandu disusun oleh Ki Gedhe Tanpa Aran sebagai wujud darma dan cinta kepada Desa Logandu. Kidung ini pertama disuguhkan/dikumandangkan pada malam tasyakuran Peringatan HUT RI ke 78 di pendopo Balai Desa oleh Paguyuban Kidung Swara Langit yang merupakan bagian dari kidugan sakral Jagongan NGUPET.
Kidung Leluhur
Kacarito dhuk semono
Laladan Logandu nagri
Wiwit saking Kali Sadang
Dhukuh Wlahar ambatesi
Mangetan sru katiti
Karanganyar watesipun
Punjering paprentahan
Karangmangu kang kapiji
Ki Ketadikrama Lurah kang kapisan#
Kapindho Ki Ketadrana
Ngasto seket wolu warsi
Kaping tri Ki Kretawangsa
Nyekel pusaraning adil
Tri dasa sanga warsi
Dene ingkang kaping catur
Nenggih bapak Sumarjo
Ngasto namung wolung sasi
Katerasaken dening bapak Dulahmad#
Dulahmad nyekel pangwasa
Lurah Logandu anenggih
Dangunyo mung kalih warsa
Sewidak wolu mungkasi
Tumuli dipun ganti
Kartowiyono rumuhun
Asma alite hirlan
Jumeneng Lurah anenggih
Tumeka ing siji sanga wolu papat#
Lurah ingkang kaping sapta
Suhono asmanereki
Wolu papat tahuniro
Tumeka ing sanga kalih
Anenggih wolung warsi
Kaganti PeJe Sariyun
Ngantos ndungkap sakwarso
Nulya Suhono kapilih
Dados lurah periode ping kalihnyo#
Tumeka ing titi mangsa
Ciptane sesepuh nguni
Kang nyekel ing panguasa
Ping sapta datan angalih
Ping wolu angepasi
Tumibaning hara-huru
Saweneh ambalela
Ana dredah demonstrasi
Suhono lengser keprabon saknaliko#
Dumadining huru hara
Slasa pon ing wolu Juli
Sanga wolu ing tahunyo
Dadio pangeling-eling
Cukup pisan dumadi
Anak putu aja tiru
Sinigeg kacarito
Suhono iku kaganti
Minangka PeJe lan sekdes Ki Tarsono#
Kepala Desa ping sanga
Asmane pak Umaryadi
Rongewu siji tumeka
Rong ewu enem mungkasi
Suwene limang warsi
November pungkasanipun
Kaganti PeJe Karlan
Suwene ing sangang sasi
Tumuli Sarlan ingkang kawinisuda#
Madegipun bapak Sarlan
Wiwitan wolulas Juli
Rong ewu pitu tahunnyo
Tumeka wolulas Juli
Dene tahunereki
Rong ewu telulas ipun
Jangkeping enem warsa
Ngasto ing tahap kasiji
Madeg Kepala Desa kaping sedoso#
Tahun rong ewu telulas
Ki Sarlan kapilih malih
Minangka Kepala Desa
Periode kaping kalih
Jejer lawan sang istri
Minangka pasanganipun
Dumugi enem warso
Rong ewu songolas dugi
Sinengkuyung warga lan para sentana#
Tahun rong ewu songolas
Ki Sarlan gyo amungkasi
Periode kang kapindho
Lulus kalising bilahi
Dumugi titiwanci
Purnaning jabatanipun
Dumugi titimangsa
Pilihan ing sasi Juli
Ki Sarlan jumeneng ingkang kaping tigo#
Jumeneng Kepala Desa
Periode kang kaping tri
Enem tahun ing samengko
Tansah pinayungan Gusti
Kalis saking bilahi
Jumbuh kang tansah ginayuh
Sembada kang kacipto
Ayem tentrem kang kaesthi
Gemah ripah kerta tata tur raharjo##
Nuwun...
